1. Iech stieh beim Fläscher, in 'ner gruß'n Schlang,
wu su viel Leit aahstieh, is de Schlang ah lang.
Iech denk noch mol an dos, wos iech alles kaaf'n will.,
do zerreißt e ungewöhnliches Geräusch de heil'ge Still.
Am Anfang su e Grolln, wie Gewitterdonnerrolln,
un steigert sich dann nei, wie de Siren dor Polezei,
uns endet mit 'nem weichen Dampflockkesselpfeifen.
De ganze Reih die guckt, un tut dam Ton noochlauschen,
mei Vorderman dar war's, mit dam möcht'sch nu nich tauschen.
Do dreht dar sich zu mir im, un hot mich dort blamiert,
dar saaht: "Mach dir nischt draus,
do is mir aah schu mol passiert!"
Refr.:
Pups nar, un mach dir nischt draus!
Pups nar, mir hall'n do schuh aus!
Pups nar, es is nich su schlimm!
Pups nar, un haat's uns aah im!
Pups nar, dos befreit dich glei,
de aahgestaute Pupse könne furchtbar sei!
Oh ho ho ho, ho ho, Oh ho ho ho, ho ho ...
2. Iech hob ne neie Arb, mei Chef dar is aah nei,
do lähd dar mich doch zu Besuch zu sich ehemm mol ei.
Aahstännich sitz iech do, mei Chef erzehlt enn Witz,
do knattert's in dam tiefen Sessel, wu iech drinne sitz.
Es kimmt su aagetroppt, als wär e Abfluß stark verstoppt,
dos Blubbern do klingt fast, wie paar Blosen im Morast,
uns augt sich dann vorbei, als wär der Abluß wieder frei,
um mit leisem Zischen aus dam Sessel zu entwischen.
Iech sitz su wie e Kerzl, mei Rieb werd feierrut,
es is suwos von peinlich, un mir is garnich gut.
Der Chef werd mir paar klatschen, un schmeißt mich huchkannt raus,
zum Glück klingt nur sei Lach'n lautstark durch's ganze Haus.
3. Iech sitz beim Dokter, hob de Schnupp un de Hust,
iech wär nich hiegegange, hätt iech's vorher schu gewußt,
wos mir sollt widerfahr'n, dort bei dar Warterei,
mir kommt es Husten aah, und dann is aah schon vorbei.
Ein Kracher gieht lus, in meiner Hus,
dos klingt su wie e Knall vom Fluchzeugüberschall.
Am liebst'n wollt iech nu in Buden nei versinken,
wie sollt iech dä nu tu, dä es tot doch aah noch stinken.
Brätbähnisch stieh iech auf, al hä'sch en biesen Fuß
tolzier iech aus dam Wartesaal, ganz uhne Wort un Gruß,
verstohl'n schleich iech mich an der Anmeldung vorbei,
dä es war aah noch e grußer Löff'l Dünnes miet derbei.
|
 |
